A DEPUTACIÓN COLABOROU O PASADO ANO CON 75.578€ NA FINANCIACIÓN DO SERVIZO DE AXUDA NO FOGAR

A Deputación da Coruña colaborou cos Servizos Sociais do Concello de Cedeira durante o pasado ano 2020 con 75.578,08€ para a financiación do servizo de axuda no fogar (SAF) na modalidade de libre concorrencia e para cubrir gastos do persoal de departamento. Concretamente, o importe concedido con cargo ao Programa de Financiamento dos Servizos Sociais Comunitarios Municipais, dirixido a concellos con menos de 20.000 habitantes, foi destinado a sufragar parte dos salarios dunha auxiliar administrativo, dunha educadora familiar e de persoal auxiliar SAF.

Este programa custeou parte das horas de atención domiciliaria por libre concorrencia que durante o pasado exercicio supuxeron sobre 3.400 horas.