A compañía BOABAD teatro levará este sábado ao auditorio de Cedeira o seu último espectáculo “PUM PUM”

A COMPAÑÍA BOABAD TEATRO LEVARÁ ESTE SÁBADO AO AUDITORIO DE CEDEIRA O SEU ÚLTIMO ESPECTÁCULO “PUM PUM”

A compañía Boabab Teatro representará este sábado no auditorio de Cedeira a obra “Pum Pum”, “unha pieza teatral acolledora, chea de tenrura e moita maxia”.

A función dará comezo ás sete da tarde. Todo o espectáculo é con música orixinal interpretada en directo. A dirección corre a cargo de Óscar Ferreira, o guión é de Andrea Bayer que, xunto ao actor Davide González, tamén se subirá ao escenario para representar unha peza na que se fala de historias cotiás que lles pasan aos nenos e nenas.

Esta actividade obedece ao acordo asinado polo Concello de Cedeira coa Axencia Galega de Industrias Culturais (Agadic) para a promoción da cultura galega.