A asociación amas de casa de Cedeira apraza a entrega do premio Muller da Vila “por responsabilidade”

“Por responsabilidade como asociación”, a xunta directiva das Amas de Casa de Cedeira acaba de tomar o acordo de aplazar “sine die” a celebración da comida na que Guadi Galego ía recibir o premio de “Muller da Vila 2020”, prevista para o próximo domingo.

Desde a entidade laméntase a cancelación do acto, ao tempo que se considera necesaria pola situación de execepcionalidade que se está a vivir. Apúntase que, polo momento, non se baralla ninguha data alternativa e confíase en que o encontro poida levarse a cabo ou máis axiña posible, “porque sería un bo sinal” .